شريتي من Temu، ولكن ماعارفش كيفاش كتدوز العملية بالضبط من بعد ما تخلص.
دبا غدي نتعرفو كفاش كيجي الطلب أو المنتوجات لشريتي من تيمو متلا وشنو هوما المراحل لكدوز منها عاد توصلك وبلا جمارك.
1. تأكيد الطلب وخروج الطرد من الصين
منين كتدير الطلب، كيتوصل البائع بالمعلومة وكيجهز لك السلعة، ومن تما كيتسيفط عبر شركة شحن (بحال YunExpress أو Cainiao). كيتسجل الطرد فالنظام وكتاخد رقم تتبع.
2. الطرد كيوصل للمغرب: الديوانة والجمارك
الطرد كيمشي لمطار محمد الخامس فكازا، تما كيدوز على السكانير، وإذا كان فيه حاجة تستاهل المراقبة (مثلا إلكترونيات أو كمية كبيرة)، يقدرو يحتفظو بيه للجمارك. ولكن فمعظم الحالات، خصوصا إذا كان الثمن قليل (أقل من 125 درهم)، كيدوز بلا مشكل.
3. الخروج من الجمارك والتوزيع الوطني
منين كيتطلق الطرد من عند الجمارك، كيتحول لخدمة محلية بحال بريد المغرب، أو شركات خاصة بحال Aramex ولا J&T Express، وكيبدأ يتوزع حسب المدينة.
4. التوصيل لمدينتك
مثلا، إذا كنت ففاس، كيدوز الطرد على المركز الجهوي ديال البريد أو شركة التوصيل، وتما كيتوزع مع باقي الطرود، وكتوصلك رسالة أو كيتاصل بيك الموزع باش يسلمو ليك.
5. مقارنة السرعة والمدة التقريبية بين تيمو وعلي إكسبريس متلا
- Temu: كيتراوح ما بين 10 و15 يوم فالمعدل
- AliExpress العادي: 20 حتى لـ30 يوم
- AliExpress Premium Shipping: 10 أيام تقريبًا
نصيحة باش توصلك الطلبيات بلا مشاكل
حاول متجاوزش قيمة كبيرة فالطلب، وديما راجع العنوان ديالك بالتدقيق، وخلي رقم الهاتف صحيح. وكن دير تتبع للطلب ديالك عبر المواقع:
خلاصة
العملية كلها واضحة وبسيطة، خاص غير الصبر والمتابعة. وإذا وقع تأخير، ماشي ديما كيكون بسبب الجمارك، أحيانًا كيتعلق الأمر بخدمات التوزيع المحلية.
